ચિઠ્ઠીનો હિચકો

એક છોકરએ ચિઠ્ઠીનો હિચકો બનાવી,

એક છોકરીને કીધું, 'લે ઝુલ'

છોકરાએ સપનાનું ખિસ્સું ફંફોસીને,

સોનેરી ચોકલેટ કાઢી રે....

છોકરીની આંખમાંથી સસલીના ટોળાએ,

ફૈંકી કૈ ચિઠ્ઠીઓ અષાઢી રે...

સીધ્ધી લીટીનો સાવ છોકરો,

ને પલળ્યો તો બની ગયો બે ત્રણ વર્તુળ !

છોકરીને શું? એતો ઝૂલી -

પછી એને ઘેર જતાં થયું સ્હેજ મોડું રે....

જે કાંઇ થયું એ તો છોકરાને થયું,

એના સાનભાન ચરી ગયું ઘોડું રે....

બાપાની પેઢીએ બેસી તે -

ચોપડામાં રોજ રોજ ચીતરતો ફુલ !

રમેશ પારેખ